Rodaxe - O poder de educar

En Rodaxe

Aquí atoparás actualizacións constantes sobre o noso proceso de produción do documental O poder de educar. Andrea López Chao. A medida que avanzamos, iremos compartindo unha serie de curtas que ofrecerán unha mirada íntima e significativa aos momentos e ás voces que dan vida a este proxecto.

Antonio Reigosa, mesa coloquio “Homenaxe a Andrea López Chao”

Antonio Reigosa, Cronista Oficial de Mondoñedo, participou na mesa coloquio “Homenaxe a Andrea López Chao” durante as Extra XVII Xornadas do Peregrino Abrindo Camiño: Camiño de Santiago e Emigración, celebradas en Mondoñedo, Ribadeo, Camouco (Ares), Vigo, Vilalba, Lugo e Madrid, do 23 de febreiro ao 8 de marzo de 2023. No seu discurso, Reigosa salientou o enorme traballo que implica recompilar a biografía de figuras como Andrea López Chao, co obxectivo de preservar o seu legado para as xeracións futuras.

Carmen Casado Álvarez, antiga alumna de Andrea López Chao

Momento con Carmen Casado Álvarez capturado cun móvil, antes da entrevista para o documental O poder de Educar: Andrea López Chao. Carmita, como a chaman cariñosamente, ten 83 anos e foi alumna de Andrea López Chao. Como era habitual entre os fillos de galegos na comunidade galega en Cuba, Carmita cursou os seus primeiros estudos no plantel Concepción Arenal. Aínda que se lle coñece por ese diminutivo, o seu carácter é o de unha xiganta. Carmita estudou enxeñería química e, durante toda a súa vida profesional dirixiu a homes nunha empresa da industria lixeira en Cuba.

O legado de Andrea López Chao permanece inborrable na súa memoria, e recorda con admiración a súa ensinanza, que sempre estivo presente ao longo da súa vida. Este curto captura un momento significativo, reflexionando sobre a influencia de Andrea na educación e testemuñas que lembra do seu paso polo plantel Concepción Arenal.

Isidro Cillero Prieto, mesa coloquio “Homenaxe a Andrea López Chao”

Isidro Cillero Prieto, presidente da Sociedade Liga Santaballesa, participou na mesa coloquio titulada “Homenaxe a Andrea López Chao” durante as Extra XVII Xornadas do Peregrino Abrindo Camiño: Camiño de Santiago e Emigración. Nesta intervención, Cillero destacou o rol fundamental da muller na emigración e subliñou que a Liga Santaballesa foi a primeira sociedade instructiva en incorporar mulleres dentro da súa xunta directiva.

Ao reflexionar sobre o legado feminista, Cillero lembrou que, malia ter transcorrido un século dende o primeiro congreso de mulleres, a loita pola igualdade de xénero segue vixente.

José Luís Fernández Ansedes fala dos mindonienses ilustres, entre eles Andrea López Chao

Durante o rodaxe na antiga fábrica de electricidade de Mondoñedo, José Luís Fernández Ansedes, presidente da Federación Galega de Asociacións de Amigos do Camiño de Santiago (FEGAC), presidente da Asociación Abrindo Camiño e coordinador da Comisión Homenaxe a Andrea López Chao, fala sobre o contexto que atopou Andrea cando viaxou a Mondoñedo en 1927, abordando a importancia da educación e o legado de Andrea na loita polos dereitos das mulleres e o acceso á ensinanza.